سعودیه به‌رپرسێكى ده‌سته‌ى فه‌رمان به چاكه و دووركه‌وتنه‌وه له خراپه (الأمر بالمعروف والنهی عن المنكر)ى به‌تۆمه‌تى گه‌نده‌ڵی ده‌ستبه‌سه‌ر كرد.
به‌پێی هه‌واڵی میدیا سعودییه‌كان، بەڕێوەبەرێكی دەستەی “فه‌رمان به‌چاكه و دووركه‌وتنه‌وه له‌خراپه”ی ده‌ستبه‌سه‌ركردووه، به تۆمه‌تى وه‌رگرتنى 34 هه‌زار دۆلار له به‌رامبه‌ر واژووكردنى كارێكى نایاساییدا.
هاوكات ده‌سته‌ى چاودێری و ڕووبه‌ڕووبوونه‌وه‌ى گه‌نده‌ڵی له سعودیه ڕایگه‌یاندووه، له‌ماوه‌ى ڕابردوودا چه‌ند دۆسێیه‌كى گه‌نده‌ڵییان ئاشكراكردووه، كه دیارترینیان سێ فه‌رمانبه‌رى ڕابیته‌ى جیهانیی ئیسلامى نزیكه‌ى شه‌ش ملیۆن ڕیاڵى سعودییان وه‌رگرتبوو له‌به‌رامبه‌ر زیادكردنى بڕی 27 ملیۆن ڕیاڵ بۆ پرۆژه‌یه‌كى بازرگانی، كه سه‌ر به ڕابیته‌كه بووه.
