نرخی نەوت لەبازاڕەكانی جیهان بەردەوامە لە دابەزین و ئەمڕۆش هەر بەرمیلێك زیاتر لە یەك دۆلار لە نرخەكەی دابەزی و بە نزیكەی 67.30 دۆلار مامەڵەی پێوەكرا.
بەیانی ئەمڕۆ پێنجشەممە، لەگەڵ دەستپێكی مامەڵە نرخی نەوتی خاوی برێنت لەبازاڕەكانی جیهاندا دابەزینی نوێی تۆماركرد، نرخی هەر بەرمیلێك بە 67.32 دۆلار مامەڵەی پێوەكرا و بەراورد بە دوێنێ هەر بەرمیلێك 1.33 دۆلار لە نرخەكەی دابەزیوە.
هاوكات نرخی نەوتی خۆرئاوای تەكساسیش بە 64.46 دۆلار مامەڵەی پێوەكرا و 1.53 دۆلار لە نرخەكەی دابەزی.
بەهۆی ڕاگەیاندنی كەرەنتینەی گشتی لە چین، جەنگی ئەفغانستان و پڕبوونی عەمبارەكانی نەوتی ئەمریكا، نرخی نەوت ماوەی زیاتر لەهەفتەیەكە ڕوو لەدابەزینە.
