شەڕ و ڕوبەڕوبوونەوەی نێوان توركیا و گروپە پشتیوانەكانی لەگەڵ هێزەكانی سوریای دیموكرات كوژرانی لانیكەمی پێنج كەس و برینداربوونی 15ی دیكەی لێكەوتەوە.
هێزەكانی سوریای دیموكرات (هەسەدە) بڵاویكردەوە، هێزەكانی توركیا و چەكدارە سورییەكانی پشتیوانی تۆببارانی ناوچەی (ئەبو ڕەئسەین)یان كردووە و بەهۆیەوە ژن و منداڵێك گیانیان لەدەستداوە و 15ی دیكە برینداربوون.
لە بەرامبەریشدا هەسەدە تۆببارانێكی بۆسەر شارۆچكەی عەفرین ئەنجامدا و بەهۆیەوە سێ كەس كوژران، وەك ئەوەی ڕوانگەی سوری بۆ مافەكانی مرۆڤ بڵاویكردووەتەوە.
بەڵام میدیاكانی توركیا برینداربوونی چوار كەسیان لە عەفرین بڵاوكردەوە.
لە ساڵی 2018ەوە توركیا و گروپە چەكدارە پشتیوانەكانی لە پڕۆسەیەكی سەربازیدا دەستیان بەسەر عەفریندا گرت و شەڕڤانانی كوردیان وەدەرنا و بەهۆیەوە هەزاران كەسی دانیشتووی شارەكە ئاوارەبوون.
