میدیا عێراقییەکان بڵاویانکردووەتەوە، بەهۆی بۆردوومانی فڕۆکە بێفڕۆکەوانەکانی تورکیاوە لە شەنگال فەرماندەیەکی لیوای80ی حەشدی شەعبی و یەکێک لە پاسەوانەکانی کوژراوە.
هاوکات یەکینەکانی بەرخۆدانی شەنگال “یەبەشە” لە ڕاگەیەندراوێکدا دەڵێن، هێرشەکە ئەندامێکی ئەوانی کردووەتە ئامانج و لە ئایندەدا زانیاری زیاتر بڵاودەکەنەوە.
ئەو فەرماندە سەربازییەی کە کوژراوە ناوی “سەعید حەسەن سەعید”ە و ئێزدییە، لەگەڵ ئەویشدا کەسێکی دیکە کوژراوە و سێ کەسی دیکە بریندار بوون.
نیوەڕۆی ئەمڕۆ 16ی ئاب، فڕۆکەی بێ فڕۆکەوانی تورکی لەناو بازاڕی کۆنی شەنگال، ئۆتۆمبیلێکی جۆری تۆیۆتا لاندکرۆزەریان کردە ئامانج، كە تابلۆی سلێمانیی پێوەبووە.
