باڵیۆزی ئەمریكا دەڵێت، ئەنجامدانی هەڵبژاردنی ئەنجومەنی پارێزگاكان نیشانەی پابەندیی عێراقییەكانە بە دیموكراسیەت.
ئەلینا رۆمانۆسكی، باڵیۆزی ئەمریكا لە عێراق لە پەیامێكدا پیرۆزبایی لە گەل و حكومەتی عێراق دەكات بەرامبەر ئەنجامدانی هەڵبژاردنێكی سەلامەت، تەندروست و پارێزراو و رایگەیاند، هەڵبژاردنێكی ئازاد و پاكژ بۆ دیاریكردنی ئایندەی كۆمەڵگایەكی دیموكراسی پێویستە.
وتیشی، “هەڵبژاردنی ئەنجومەنی پارێزگاكان لەم هەفتەیەدا ئاماژەیە پابەندیی عێراقییەكان بە دیموكراسیەت”.
رۆمانۆسكی ئەوەشی خستەڕوو، چاومان لەسەر كاركردنە لەگەڵ سەركردە خۆجێیە تازەهەڵبژێردراوەكان، بۆ پەرەپێدانی هاوبەشیی ئەمریكی-عێراقی بەرفراوان لە سەرتاسەری وڵات.
دوێنێ هەڵبژاردنی ئەنجومەنی پارێزگاكانی عێراق لە كەركوك و پارێزگاكانی دیكەی ناوەڕاست و باشوور بەڕێوەچوو.
