سەرچاوەکانی هەواڵی ئەفغانستان و تاجیکیستان ئاشکرایانکرد، ئەشرەف غەنی، سەرۆک کۆماری ئەفغانستان وڵاتەکەی بەرەو تاجیکستان بەجێهێشتووە.
سەرچاوەیەکی هەواڵی تاجیکستان، بڵاویکردووەتەوە، دوانێوەڕۆی ئەمڕۆ ئەشرەف غەنی، سەرۆک کۆماری ئەفغانستان گەیشتووەتە تاجیکستان تا لەوێوە بەرەو وڵاتی سێیەم بڕوات.
ئاژانسی هەواڵی ئەسۆشییەیتد پرێس بڵاویكردەوە، تاڵیبان تەواوی سنوورەكانی ئەفغانستانی كۆنترۆڵكردووە. بەگوێرەی وەزارەتی ناوخۆی ئەفغانستان، چەكدارانی تاڵیبان لەسەر هەموو دەروازەكانی كابول جێگیربوون. لەوبارەیەوە ڕۆژنامەی نیویۆرك تایمز ئاشكرایكرد، واشنتن داوای لە تاڵیبان كردووە نەچێتە ناو كابول تا ئەوكاتەی پرۆسەی دەربازكردنی كارمەند و دیپلۆماتكارە ئەمریكی و هاوكارە ئەفغانەكانیان تەواودەبێت.
هەڵسوڕێنەری كارەكانی وەزیری ناوخۆی ئەفغانستان دەڵێت، “چەكدارانی تاڵیبان ناچنە ناو كابول و دەسەڵات بەشێوەیەكی ئاشتییانە ڕادەست دەكرێت”.
لحظه خروج #اشرف_غنی از افغانستان و حرکت به تاجیکستان pic.twitter.com/evBnbSKjjr
— خبرگزاری تسنیم 🇮🇷 (@Tasnimnews_Fa) August 15, 2021
