کۆریای باشوور و ژاپۆن ڕایانگەیاند، کۆریای باکوور مووشەکێکی بە ئاڕاستەی دەریای ژاپۆن تاقیکردووەتەوە.
بەپێی ئاژانسی هەواڵی یونهابی کۆریای باشوور لە دەستەی ئەرکانی گشتی سوپای وڵاتەکەی بڵاویکردەوە، “کۆریای باکوور مووشەکێکی بالیستی کە جۆرەکەی نەناسراوە بە ئاڕاستەی دەریای ژاپۆن تاقیکردووەتەوە”.
لای خۆیەوە پۆلیسی ئێشکگری کەناراوەکانی ژاپۆن بڵاویکردەوە، مووشەکەکە لە کەناراوەکە کەوتووەتە خوارەوە و پێویستە ئەو کەشتیوانەکان لە شوێنی ڕووداوەکە نزیک نەبنەوە و لە ئەگەری بینینی پارچەی مووشەکەکە لایەنە پەیوەندیدارەکان ئاگاداربکەنەوە.
لە سەرەتای ئەمساڵەوە تا ئێستا کۆریای باکوور زیاتر لە 20 مووشەکی تاقیکردووەتەوە.
