وەزیری ناوخۆی فەرەنسا رایگەیاند، بەهۆی ئەوەی پێشنوێژی یەکێک لە مزگەوتەکانی شاری پاریس لە وتارێکیدا لە تۆڕی کۆمەڵایەتی فەیسبوک بڵاوکراوەتەوە هەڕەشەی لەو مامۆستایە کردووە کە لەلایەن خوێندکارەکەیەوە سەربڕا بڕیاری داخستنی مزگەوتەکەی دراوە.
ڕایگەیاندووە، “پێشنوێژ و وتارخوێنی ئەو مزگەوتە لە وتاری هەینیدا قسەی بەو مامۆستایە وتووە کە لەلایەن خوێندکارەکەی خۆیەوە سەربرا.
بە وتەی وەزیری ناوخۆ قسەکانی ئەو وتارخوێنەی مزگەوتەکەی پاریس کاریگەری لەسەر گەنجان هەبووە تا دژی ئەو مامۆستای مێژووە بوەستن کە چەند ڕۆژ پێش ئێستا لەلایەن گەنجێکی 18ساڵی موسڵمانەوە سەربڕدرا.
وەزیری ناوخۆی فەرەنسا لەبارەی هەوڵەکانەوە بۆ توندوتیژی ڕایگەیاند، “هیچ گروپێکی ئیسلامی بە کوشتنی مامۆستاکە تۆمەتبار ناکەین، بەڵام ئیسلامییە توندڕەوەکان دەبێت بزانن کە بۆ ماوەی یەک خولەکیش دەرفەتیان پێنادەین بیر لە توندوتیژی بکەنەوە”.
شەوی 16ی تشرینی یەكەم پۆلیسی پاریس ئاشكرایكرد هێزەكانیان خوێندكارێكیان كوشتووە كە چەند خوولەكێك پێش كوژرانی، مامۆستاكەی خۆی بە چەقۆ سەربڕیبوو.
