لەسەر سکاڵای خاوەنی خواردنگەیەک، کەسێک بە تۆمەتی وەرگرتنی سەرانە لە خاوەنی خواردنگەکە دەستگیرکرا.
بەڕێوەبەرایەتیی گشتیی پۆلیسی سلێمانی ڕایگەیاند، ئەو تۆمەتبارە بەزەبری هێز سەرانەی لە خاوەنی خواردنگەکە وەرگرتووە و تۆمەتبارەکە دانیناوە بە تاوانەکەیدا.
ئەو تۆمەتبارەی دەستگیرکراوە ناوی (ز. ج. غ)ـە و لەدایکبووی 1999یە، لەکاتی دەستگیرکردنیدا دەستگیراوە بەسەر دەمانچەیەکدا.
پۆلیسی سلێمانی ئاشکرایکردووە، لەکاتی لێکۆڵینەوەکاندا دەرکەوتووە تۆمەتباری ناوبراو لەسەر دۆسیەیەکی دیکە لە بنکەی پۆلیسی چوارچرا سکاڵای لەسەر تۆمارکراوە و داواکراو بووە.
