دەمپارتی لەبارەی تەندروستیی ئەحمەد تورکەوە روونکردنەوە دەدات و دەڵێت، “پشکنینی بۆ ئەنجامدەدرێت”.
ئەمڕۆ دووشەممە، میدیاکانی تورکیا بڵاویانکردەوە، ئەحمەد تورک ئەندامی شاندی ئیمراڵی و ئەندامی خولی پێشووی پەرلەمانی تورکیا دوای ئەوەی بارودۆخی تەندروستیی تێکچوو رەوانەی نەخۆشخانەکرا.
هاوکات، دەمپارتی لەبارەی دۆخی تەندروستیی ناوبراوەوە رایگەیاند، “ئەحمەد تورک لە ئێستادا لە نەخۆشخانە پشکنینی تەندروستیی بۆ ئەنجامدەدرێت و ئەو هەواڵانەی باس لە خراپبوونی تەندروستیی دەکەن، دوورن لە راستییەوە”.
لەماوەی رابردوودا، سری سورەیا ئۆندەر، جێگری سەرۆکی پەرلەمانی تورکیا و ئەندامی وەفدی ئیمراڵی بەهۆی جەڵتەی دڵەوە بارودۆخی تەندروستیی تێکچوو و رەوانەی نەخۆشخانەکرا، ئەمرۆش دووەمین ئەندامی وەفدی ئیمراڵی تەندروستیی تێکچوو.
