ڕۆناڵدینیۆ گاوچۆ، ئەستێرەی دێرینی بەرازیل پەیامی پیرۆزبایی ئاڕاستەی لیۆ مێسی و سێرجیۆ ڕامۆس دەکات و دەڵێت، ” بۆنی پاڵەوان دەکەم”.
لەو ساتەوە لیۆ مێسی پەیوەندی بە یانەی پاریس سان جێرمانەوە کردووە، ناودارانی بواری تۆپی پێ و هونەر پیرۆزبایی ئاڕاستەی جادوگەرە ئەرجەنتینییەکە دەکەن، لە نوێترین پەیامی پیرۆزباییدا ڕۆناڵدینیۆ مژدەی پاڵەوانبوونی پێدەدات.
ڕۆناڵدینیۆ لە تۆڕی کۆمەڵایەتی تویتەرەوە نوسیویەتی، ” بۆ هەردوو یانەی بەرشلۆنە و پاریس سان جێرمان یاریمکردووە، خۆشحاڵم لەئێستادا مێسی هاوڕێم هەمان درێس دەپۆشێت، ڕەنگە ساتی خۆشبەختی لەو یانەیە تۆماربکەیت لیۆ، هەروەها خۆشحاڵم بە هاوڕێم سێرجیۆ ڕامۆس لەهەمان تیمی سوپەر یاریدەکات، لەکۆتاییدا بوێریتان نیشاندا، بۆنی پاڵەوانان دەکەم”.
É uma alegria muito grande por ter jogado nesses dois clubes e ver agora o meu amigo vestindo esta camisa, que venham muitos momentos de alegria Leo!!! Também fico muito feliz com o meu parceiro @sergioramos no time e um super elenco, to sentindo cheiro de Champions hein kkkk 🤙🏾 pic.twitter.com/4cDlScpMJt
— Ronaldinho Gaúcho (@10Ronaldinho) August 10, 2021
ڕۆناڵدینیۆ لەنێوان ساڵانی 2001 بۆ 2003 درێسی یانەی پاریس سان جێرمانی پۆشی، یانە فەرەنسییەکە یەکەمین یانە بوو لە بەرازیلەوە جادوگەرەکەی بەرازیلیان گواستەوە بۆ ڕیزەکانیان، بەڵام لە ساڵی 2003 پەیوەندی بە یانەی بەرشلۆنەوە کرد و لەو یانەیە مێژووی نوسییەوە.
