بەهۆی کێشەیەکەوە کە لەنێوان باوک و کوڕێکدا دروستبووە لە شەقامی 30 مەتریی شاری هەولێر باوکێک تەقە لە کوڕەکەی دەکات و بریندار دەبێت.
لە ڕاگەیەندراوێکدا بەڕێوەبەرایەتیی پۆلیسی هەولێر ڕایگەیاند، ئاگادارکراونەتەوە لە دروستبوونی کێشە لەنێوان باوک و کوڕێک لەشەقامی 30 مەتریی شاری هەولێر لەنزیک هۆتێل شیراتۆن.
ئاماژە بەوەشکراوە، لەئەنجامی کێشەکەوە باوکەکە تەقەی لە کوڕەکەی کردووە و برینداری کردووە.
پۆلیسی فریاکەوتنی هەولێر تۆمەتبەرەکەیان بەناوی (ف. ل. ر) دەستگیرکردووە و پەڕاوی لێکۆڵینەوە بۆ دۆسیەکە کراوەتەوە و بریندارەکەش گەیەنراوەتە نەخۆشخانە.
