ئاسایشی ڕۆژئاوای کوردستان ڕایگەیاند، چەند چەکدارێک لە کامپی هۆل لە حەسەکە، هێرشیانکردووەتەسەر چەند کەسێک و پەنابەرێکی عێراقییان کوشتووە.
وەك ئاسایشی ڕۆژئاوا ئاشكرایكردووە، ئەو چەند چەکدارە گومان دەکرێت داعشبن و دوای کوشتنی کەسە عێراقییەکە، سێ کەسی دیکەیان بریندارکردووە.
بەگوێرەی زانیارییەکان، پەنابەرە عێراقییەکە لە بەشی یەکەمی کامپەکەدا کوژراوە و دواتر دوو پەنابەری عێراقی و سورییەکیش لەهەمان هێرشدا برینداربوون.
ئەم ڕووداوە لە کاتێکدایە ڕۆژی شه‌ممه لەناو هەمان کامپدا کەسێکی سوری کوژرابوو.
لەماوەی چوار مانگی ڕابردوودا 25 حاڵەتی کوشتن و هێرشکردن لە کامپی هۆل-دا لە ڕۆژئاوای کوردستان ڕوویانداوە.
