هاتوچۆی سلێمانی شۆفێرێکی خەڵات كرد، كە 65 ساڵە سەرپێچیی نەکردووە.
هاتوچۆی سلێمانی ڕایگەیاند، ئەمڕۆ بەڕێوەبەری هاتوچۆی پارێزگای سلێمانی بڕوانامەی سوپاس و ڕێزلێنانی پێشکەش بە شۆفێرێكی نمونەیی و دێرین کرد، كە لەماوەی 65 ساڵی شۆفێریكردنیدا هیچ سەرپێچییەكی هاتوچۆی نەكردووە.
شۆفێرەكە ناوی (فەریدون ئەمین عەلی)یە، 65 سالی تەواوە هیچ ڕووداو و سەرپێچییەكی هاتوچۆی نەكردووە.
بەپێی ڕاگەیەندراوی هاتوچۆی سلێمانی، “شۆفێرەكە وێڕای دەربڕینی سوپاس و پێزانینی خۆی بۆ بەڕێوەبەرایەتیی هاتوچۆی سلێمانی، داوای لە شۆفێران کرد هەمیشە پابەندی ڕێنماییەکانی هاتوچۆ بن و لەسەرخۆ شۆفێری بکەن، بۆ ئەوەی سەر و ماڵی خۆیان و هاوڵاتیان پارێزراو بێت”.
