یاریزانی هێڵی ناوەندی یانەی لایپزیگ، مارسێل سابیتزەر پێیوایە داهاتووی لە لایپزیگ نییە، بەم هۆیەوە پێنج یانەی گەورە خواستیان لەسەر گواستنەوەی نیشانداوە.
بۆندی نێوان ئەستێرە ناودارەکەی نەمسا و لایپزیگ تاوەکو 2022 بەردەوامی هەیە، یاریزانەکە نایەوێت وەرزێکی دیکە لە یانە ڕۆژهەڵاتییەکەی ئەڵمانیا بەردەوامبێت، بۆیە بۆندەکەی نوێنەکردووەتەوە و خەونی یاریکردنە بۆ یانەیەکی گەورەتر.
ڕۆژنامەی بێلد سپۆرتی ئەڵمانی نوسیویەتی، جولیان ناگیلسمان، ڕاهێنەری بایرن میونشن لە پێشوودا سەرپەرشتی ئەو یاریزانەی کردووە و شارەزای توانا هونەرییەکانیەتی، پێدەچێت بایرن میونشن لەسەر خواستی ناگیلسمان هەوڵەکانیان بۆ گواستنەوەی دەستپێکردبێت.
هەروەها ئاماژە بە یانەکانی لیڤەرپوڵ، تۆتنهام، بوروسیا دۆرتمۆند و ڕیاڵ مەدرید کراوە، وەک داواکارانی هەمان یاریزان.
