پۆلیسی ڕاپەڕین ڕایگەیاند، ئۆتۆمبێلێکی سلێمان هەڵشۆیی بە بڕیاری دادگا بەشێوەی ئاشکرا دەفرۆشرێت، پارەكەشی دەگەرێتەوە خەزێنەی حكومەت.
لە ڕاگەیەندراوێكدا بەڕێوەبەرایەتیی پۆلیسی ڕاپەڕین ئاماژەی بەوەكردووە، ئەمڕۆ پێنجشەممە کاتژمێر 12:00ی نیوەڕۆ، لە بارەگای نوسینگەی نەهێشتنی تاوانی پشدەر، ئۆتۆمبێلێک دەفرۆشرێت، کە “خاوەندارێتییەکەی دەگەڕێتەوە بۆ تۆمەتباری ڕاگیراو، سلێمان هەڵشۆیی”.
پۆلیسی ڕاپەڕین ئاشکرایکردووە، “ئۆتۆمبێلەکە لە جۆری (لێکزس/کۆڕۆ)یە و ژمارەی کاتییە و مۆدێلی 2021ـە، ڕەنگی ڕەشە، بە بڕیاری دادگای لێکۆڵینەوەی پشدەر بەشێوەی ئاشکرا دەفرۆشرێت”.
پۆلیسی ڕاپەڕین دەڵێت، هەرکەسێک ئارەزوومەندە بۆ کڕینی ئەو ئۆتۆمبێلە، لە کات و شوێنی دیاریکراو ئامادەبێت، “پارەی ئۆتۆمبێلەكەش دەگەڕێتەوە بۆ خەزێنەی دەوڵەت و مامەڵەی پێوە دەکرێت”.
