نەبەستنی ماسك لە هەولێر سزای بەدواوەیە

لە هەولێر بەستنی ماسك كراوەتە ناچاری و سزای لەسەرە، بەتایبەت بۆ شوێنە گشتییەكان و فەرمانگە و دامەزراوە حكومییەكان.

بەهۆی بەرزتربوونەوەی ژمارەی توشبووانی كۆرۆنا و زیاتربوونی مەترسییەكان، ژووری ئۆپەراسیۆنی پارێزگای هەولێر چوار بڕیاری نوێی دا، بەستنی ماسك دووپاتدەكاتەوە، نەبەستنی ماسك ڕێكاری یاسایی بەدواوە دەبێت.

دەقی بڕیارەكانی ژووری ئۆپەراسیۆنی پارێزگای هەولێر:

یه‌كەم: دۆخەکە هەستیارە و رەوشی تەندروستیی شارەکەمان مەترسیدارە و زنجیرەی نوێی ڤایرۆسی کۆرۆناش لەهەڵکشان و تەشەنەسەندن دایە و بووەته‌ مه‌ترسیی بۆسه‌ر گیانی هاووڵاتییان، بۆیه‌ داوا له‌ هاووڵاتییانی شارەکەمان ده‌كه‌ین لەپێناو پاراستنی خۆیان و تەندروستی و سەلامەتی گشتیی، پابەندی رێنماییه‌ ته‌ندروستییه‌كان بن و رێکارەکانی خۆپارێزی جێبه‌جێ بكه‌ن به‌تایبه‌تی به‌ستنی (ماسك).

دووه‌م: له‌ ئه‌مڕۆوه‌ ژووری ئۆپه‌راسیۆنی پارێزگای هه‌ولێر، ته‌واوی هێزه‌كانی ناوخۆ و تیمه‌كانی قایمقامیه‌ته‌كان و شاره‌وانییه‌كانی راسپاردووه‌، چاودێری و به‌دواداچوونی ورد بۆ سه‌رجه‌م شوێنه‌ گشتییه‌كان، مزگه‌وت، كلێسا، شوێنه‌ ئایینییه‌ پیرۆزه‌كان، بازرگانی، مۆڵ، چێشتخانه‌، كافتریاكان، سه‌نته‌ری بازاڕ، بازاڕه‌ میللیه‌كان، ماركێت، مینی ماركێت، سەمونخانە و نانەواخانەکان، سه‌رتاشخانه‌، هۆڵه‌ وه‌رزشییه‌كان، نۆرینگه‌ و سه‌نته‌ر و كۆمه‌ڵگه‌ پزیشكییه‌كان، سارده‌مه‌نی، چایه‌خانه‌، رێستۆرانتی باخچه‌كان و شوێنه‌كانی هاوشێوه‌یان، شوفێرانی تاكسی، بارهه‌ڵگر، ئۆتۆمبێلی تایبه‌ت.. بكه‌ن، هه‌ركه‌سێك (ماسك)ی نه‌به‌ستبێت، رێككاری یاسایی له‌به‌رامبه‌ردا بگیرێته‌به‌ر.

سێیه‌م: سه‌رجه‌م فه‌رمانگه‌ و به‌ڕێوه‌به‌رایه‌تییه‌كانی سنووری پارێزگای هه‌ولێر، ده‌بێت رێنماییه‌ ته‌ندروستییه‌كان و رێكاره‌كانی خۆپارێزی جێبه‌جێبكه‌ن به‌تایبه‌تی به‌ستنی (ماسك) و دروستنه‌كردنی گردبوونه‌وه‌ و قه‌ره‌باڵخی، هه‌روه‌ها رێگه‌نه‌ده‌ن هیچ هاووڵاتییه‌ك بۆ راییكردنی مامه‌ڵه‌كانی به‌بێ به‌ستنی (ماسك) بچێته‌ نێو هیچ فه‌رمانگه‌ و دام و ده‌زگایه‌كی حكومی، هه‌ر به‌ڕێوه‌به‌رایه‌تی و فه‌رمانبه‌رێك سه‌رپێچی له‌و بڕیاره‌ بكات، به‌ڕێوه‌به‌ر و به‌رپرسانی ئه‌و فه‌رمانگه‌یه‌ رووبه‌ڕووی رێكاری یاسایی ده‌بنه‌وه.‌

چواره‌م: ژووری ئۆپه‌راسیۆنی پارێزگای هه‌ولێر، هەموو هەوڵ و توانایەکی خۆی بۆ پاراستنی گیانی هاووڵاتییان و جێبەجێکردنی رێکارەکانی خۆپارێزی لەمه‌ترسیه‌كان و ته‌شه‌نه‌سه‌ندنی خێرای زنجیره‌ی نوێی ڤایرۆسی کۆرۆنا خستووەتەگەڕ و لەڕێگەی لیژنەکانی چاودێری و هێزه‌كانی ناوخۆ و تیمه‌كانی قایمقامیه‌ته‌كان و شاره‌وانییه‌كان لە سنووری سه‌رجه‌م قایمقامیەتەکانی لە بەدواداچوون و پشکنین و چادودێریکردنی شوێنە گشتییه‌كان بەردەوام ده‌بێت. بۆیه‌ هاووڵاتییانی سنووری پارێزگای هەولێر و کاسبکاران ئاگادار دەکەینەوە، لە ئەگەری پابەند نەبوون بە رێکارەکانی خۆپارێزی به‌تایبه‌تی نه‌به‌ستانی (ماسك) ناچارین رێکاری تووند بگرینەبەر، بۆیە داوا لە هەموو لایەک دەکەین لەم دۆخە ناهەموار و مەترسیدارەدا بەوپەڕی هەستکردن بە بەرپرسیاریەتی پابەندی رێنماییە تەندروستییەکان بن و (ماسك) ببەستن، تاوەکو دووچاری سزادان و رێکاری یاسایی نەبنەوە.

بابەتی پێشتر

لە تۆپبارانێکی تورکیادا لە عەین عیسا خێزانێک کۆمەڵکوژکران

بابەتی دواتر

پەرلەمانتارێك: ساڵی ڕابردوو 25 ملیار دۆلار ونكراوە

بابەتی پەیوەندیدار
زیاتر ببینە

ئاسایشی سلێمانی تۆماتبارێکی دەستگیرکرد بەناوی ڕێکخراوەوە پارەی لە کەسوکاری شەهیدان وەرگرتووە

بەڕێوبەرایەتیی ئاسایشی ڕۆژئاوای سلێمانی، ڕایگەیاند تۆمەتبارێکیان دەستگیرکردووە کە بە فێڵ و بەناوی ڕێکخراوەوە پارەی لە کەسوکاری شەهیدان وەرگرتووە.…
Total
11
Share