فڕۆكە جەنگییەكانی توركیا بۆردومانی چەند گوندێكی بناری قەندیلیان كرد و هاوسەرۆكی شارەوانی ناوچەكەش دەڵێت، بەهۆیەوە ئاگركەوتووەتەوە.
محەمەد حەسەن، هاوسەرۆكی شارەوانیی بناری قەندیل بە تۆڕی میدیایی ئێستای ڕاگەیاند، فڕۆکە جەنگیەکانی تورکیا گوندەکانی پردەشاڵ، چیای دڕەبی، لێوژە، ئێندزە، سێکانیان، دۆڵی شەهیدان و بێڕێش و دۆڵی بەڵەییان لەبناری قەندیل بۆردومانکرد و بەهۆیەوە ئاگر کەوتووەتەوە.
تائێستا هیچ زانیارییەك لەبارەی زیانە گیانی و ماڵییەكانی بۆردومانەكان نەزانراوە.
بەهۆی بۆردوومانی توركیاوە بۆسەر ناوچە سنوورییەكانی هەرێمی كوردستان، زیانی گیانی و ماڵی بەر گوندنشینان كەوتووە، دارستان و زەویوزارێكی زۆر سوتاون و جوتیاران و ئاژەڵدارانی ناوچەكە زیانیان پێگەیشتووە.
