لە تۆڕە كۆمەڵایەتییەكانەوە تۆمارێكی ڤیدیۆیی نزار محەمەد، هونەرمەندی كۆمیدیی بەناوبانگی ئەفغانی بڵاوبووەوە كە ساتەكانی بردنی لەماڵەكەی لەلایەن چەكدارانی تاڵیبانەوە نیشاندەدات، بەر لە كوشتنی.
لە دیمەنەكەدا دەردەكەوێت دوو چەكداری تاڵیبان سوكایەتی بە هونەرمەندە كۆمیدییەكە، كە ناسراو بە (خاشا جوان)، دەكەن، بڵاوبوونەوەشی بە چەند ڕۆژێك دێت پاش دەركەوتنی كوشتنی لەلایەن چەكدارانی “نەناسراوەوە” و دۆزینەوەی تەرمەكەی لە ناوچەی داند لە قەندەهار.
بەمدواییە هێرش و پەلامارەكانی چەكدارانی تاڵیبان لە ناوچە جیاجیاكانی ئەفغانستان ڕوویان لە زیادبوون كردووە، بەپێی ئاژانسە جیاجیاكان چەندین چیرۆك و ڕووداوی پێشێلكاری لەلایەن چەكدارانی گروپەكەوە ڕوویانداوە.
This video shows the moment, Kandahari comedian, Khasha was arrested by the Taliban, Slapping him inside the car and then killed him. pic.twitter.com/E642Y52uto
— Tajuden Soroush (@TajudenSoroush) July 27, 2021
لەكاتێكی پێشتری ئەم مانگەدا تۆمارێكی دیكەی ڤیدیۆیی لە ئەفغانستان بڵاوبووەوە كە لانیكەمی 10 كەسی سەر بە یەكەی هێزە تایبەتەكانی وڵاتەكە نیشاندەدات كە لەلایەن تاڵیبانەوە كوژرابوون.
ئەو دۆخەی وڵاتەكە پاش كشانەوەی تەواوەتی هێزە بیانییەكان دێت، بەپێی ڕاپۆرتەكانیش تاڵیبان كۆنتڕؤلی نیوەی سەنتەری ناوچەكانی ئەفغانستانی كردووە كە ژمارەیان 419 ناوچەیە، لەگەڵ ئەوەشدا تائێستا دەستی نەگەیشتووەتە پایتەختی ئەو ناوچانە لە وڵاتەكەدا كە ژمارەیان 34 پایتەختە.
