وەزارەتی تەندروستیی هەرێمی کوردستان بەردەوامە لە فراوانکردنی ناوەندەکانی پشکنین و چارەسەری کۆرۆنا لە هەرێمی کوردستان، بەپێی ئەنجامی پشکنینەکانی بەردەست وەزارەتەکەش تا کاتژمێر 12ی شەوی ڕابردوو زۆرترین ژمارەی توشبووان تۆمارکراوە.
لە ڕاگەیەندراوێکدا وەزارەتی تەندروستیی هەرێمی کوردستان ئاشکرایکرد، “هەر دوێنێ تا کاتژمێر 12:00ی شەو زۆرترین ژمارەی توشبووان تۆمارکراوە و ژمارەکە یەکجار زۆرە”
وەزارەتی تەندروستی ڕاشیگەیاندووە، “بەداخەوە ڕەوشی بڵاوبوونەوەی ڤایرۆسی کۆرۆنا زۆر خراپە و زۆرترین توشبوونیش لە پارێزگای دهۆکە”.
بڕیارە بۆ ئەو مەبەستە ئەمڕۆ وەزیری تەندروستی دکتۆر سامان بەرزنجی نەخۆشخانەیەکی دیکەی تایبەت بە کۆرۆنا لە شاری دهۆک بکاتەوە.
