د. کەژان کاوە، پزیشکی نەشتەرگەری و نەخۆشییەکانی ژنان و منداڵبوون و نەزۆکی، رایگەیاند، خانمانی دووگیان کاتێک ناتوانن لە مانگی رەمەزاندا بەڕۆژوو ببن ئەگەر رۆژوو زیان بە خۆیان یان کۆرپەکەیان بگەیەنێت.
ئەو پزیشکە بەمجۆرە باسی ئەو کاتانە دەکات کە خانمانی دووگیان ناتوانن تیایدا بەڕۆژوو ببن:
- بارودۆخی پزیشکی:
- ئەگەر نەخۆشیی شەکرەی دووگیانی، کەمخوێنی، یان بەرز/نزمبوونەوەی پەستانی خوێنی هەبێت.
- ئەگەر پێشینەی لەبارچوون یان منداڵبوونی پێشوەختەی هەبوو.
- ئافرەت لە سێ مانگی یەکەمی دووگیانیدا وا باشترە بەڕۆژوو نەبێت، چونکە کۆرپەلە گەشە دەکات.
- مەترسییەکانی تەندروستیی کۆرپەلە:
- ئەگەر کۆرپەکە بە باشی گەشە نەکات.
- ئەگەر جوڵەی کۆرپەلە کەمبووبێتەوە.
- ئەگەر پزیشک ئامۆژگاریی بەڕۆژوونەبوون بکات، بەهۆی ئاڵۆزییە ئەگەرییەکان.
- دووگیانی بە دووانە.
- لاوازیی زۆر و وشکبوونەوەی لەش:
- ئەگەر خانمی دووگیان هەستی بە ماندوێتی، سەرگێژخواردن کرد.
- ئەگەر میزی رەش بوو یان میزی زۆر کەمبوو (نیشانەی ووشکبوونەوەی لەش).
