وەزارەتی تەندروستیی هەرێمی کوردستان ئاماری 24 کاتژمێری ڕابردووی کۆرۆنای بڵاوکردەوە و بەپێی ئامارەکە دوو هەزار و 178 کەس تووشی کۆرۆنا بوون، کە ئەوە بەرزترین ئامارە لە 24 کاتژمێردا تۆمارکرابێت.
لە ڕاگەیەندراوی وەزارەتی تەندروستیدا هاتووە، 770 توشبوو لە هەولێر، 683 لەسلێمانی، 588 توشبوو لە دهۆک و 16 کەس کە هەڵەبجە، 98 لە گەرمیان و 23 توشبوو لە ڕاپەڕین تۆمارکراون.
لە شەو و ڕۆژی ڕابردوودا 1057 کەس چاکبوونەتەوە و 14 کەس گیانیان لەدەستداوە.
بەپێی ئامارە فەرمییەکانی وەزارەتی تەندروستی، تاوەکو ئێستا 214 هەزار و شەش کەس تووشی ڤایرۆسەکە بوون و 192 هەزار و 351 کەس چاکبوونەتەوە و چوار هەزار و 689 کەسیش گیانیان لەدەستداوە.
