بەڕێوەبەرایەتیی گشتیی تەندروستیی سلێمانی ڕێنمایی نوێی خۆپارێزیی تایبەت بە ڤایرۆسی کۆرۆنا بڵاودەکاتەوە و ڕایگەیاندووە ڕۆژ بە ڕۆژ ئامارەکان ڕوو لە زیادبوون دەکەن.
لە ڕاگەیەندراوێکدا بەڕێوەبەرایەتیی گشتیی تەندروستیی سلێمانی ڕایگەیاند، “بەراورد بە چەند هەفتەی ڕابردوو ئامارەکان ڕۆژ بە ڕۆژ ڕوو لە زیادبوون دەکەن، بەپێی پێشبینیەکانی پزیشکان و نەخۆشخانە و سەنتەرەکانی کۆرۆنا توشبوون بە ڤایرۆسی کۆرۆنا لەداهاتوودا زیاتر بەرزدەبێتەوە”.
تەندروستیی سلێمانی داواش لەهاوڵاتییان دەکات پابەندبن بە ڕێکارەکانی خۆپارێزی و ڕێنماییە تەندروستییەکان لەسەرجەم شوێنە گشتییەکان.
ڕێنماییەکانی تەندروستیی سلێمانی:
1. بەکارهێنانی ڤاکسین کە لە ئێستادا هەموو جۆرەکانی بەردەستن.
2. بەکارهێنانی دەستکێش و بەستنی ماک.
3.خۆبەدوورگرتن لە تووشبوان و ئەو هاوڵاتیانەی گومانی ئەوەیان لێ دەکرێت هەڵگری ڤایرۆسی کۆرۆنا بن.
4.گرنگیدان بە دەستشتن و پاک و خاوێنی و خواردنی خۆراکی تەندروست و جل و بەرگ.
5.مانەوە لە ماڵەوە و دوورکەوتنەوە لە قەرەباڵغی.
