پاڵەوانێکی لەشجوانیی عێراق لە سلێمانی بەهۆی جەڵتەی مێشکەوە گیانی لە دەستدا

ئەمڕۆ سەڵاح حوسێن یاریزانەکانی لەشجوانی لە عێراق و وڵاتانی عەرەبی بەهۆی جەڵتەی مێشکەوە لە سلێمانی گیانی لە دەستدا.

سەڵاح حسێن تەمەنی 37 ساڵە و ماوەی دوو ڕۆژە بەشداری پاڵەوانێتی لەشجوانی عێراقی کردووە بۆ کێشی قورس، بەڵام پلەی سێیەمی بە دەستهێناوە.

بەپێی زانیارییەکان ئەو یاریزانە لەشجوانییە لە جێشتخانەیەک جەڵتەی مێشک لێیداوە و بەهۆیەوە گیانی لە دەستداوە.

تۆڕی میدیایی ئێستا پەیوەندیکرد بە سەنتەری فریاکەوتنی سلێمانییەوە، بەڵام ڕایانگەیاند هیچ کەسێک بەو ناوە بە ئۆتۆمبیلی ئامبوڵانس نەگوازراوەتەوە.

 سەڵاح حسێن یەکێک بوو لە دیارترین یاریزانەکانی لەشجوانی لە عێراق و وڵاتانی عەرەبی و چەندین جار بەشداری پاڵەوانێتییەکانی عێراق و وڵاتانی عەرەبیی کردبوو.

Image

بابەتی پێشتر

پەرلەمانی کەتەلۆنیا تاوتووێی بە فەرمی ناساندنی خۆبەڕێوەبەریی ڕۆژئاوا دەکات

بابەتی دواتر

بەرهەم ساڵح و ماکرۆن لەناو لیستی ئەو کەسانەدان کە هەوڵی سیخوڕیکردن بەسەریانەوە دراوە

بابەتی پەیوەندیدار
Total
12
Share