لە پێشبرکێیەکدا لە وڵاتی سوید بەناوی Ortens bästa penna کە بۆ ئەو نوسەر و گەنجانە ڕێکدەخرێت لە دەرەوەی شارە گەورەکان دەژین و نوسەری کتێب یان شانۆنامەن، دوو گەنجی کورد بەناوی لۆران باتی و فیردەوس ئانیک خەڵاتی باشترین نوسەریان وەرگرت.
فیردەوس ئانیک خەڵکی شاری ماردینە لە باکوری کوردستان و ماوەی تەنها سێ ساڵە لەگەڵ خێزانەکەی گەشتی وڵاتی سویدیان کردووە.
لەدوای وەرگرتنی خەڵاتەکەی فیردەوس دوێنێ 24 ی ئەیلول بە ڕۆژنامەنوسانی ڕاگەیاند، “شانۆنامەکەی من لەبارەی ئەو کەسانەوەیە کە ماوەیەکی ژیانیان لە وڵاتی خۆیان دەبێت و دواتر گەشتی وڵاتێکی دیکە دەکەن، کە ئەمە دەبێتە هۆی چەند گرفتێک لەوانە پێکدادانی کەلتوری و گۆڕینی شێوازی ژیان”.
هاوکات لۆران باتی کە گەنجێکی کوردە و بەهەمان شێوە لە ئویسالا دەژی و شوێنێکی بچوکترە لە شارەکانی دیکەی سوید دەڵێت، “تۆ ئەگەر خەڵکی ئەم وڵاتە نەبیت، هەرشتێک لەبارەی خۆت و ژیانەوە بنوسیت دەبێت ئەوە رەنگبداتەوە کە شێوازی ژیان لێرە و لە زێدی خۆت چەند جیاوازە”.
