مەكتەبی سیاسی یەكێتی پەیامێكی بڵاوكردەوە

مەكتەبی سیاسی یەكێتیی نیشتمانیی كوردستان بەبۆنەی جەژنی قوربانەوە پەیامێكی بڵاوكردەوە و دەڵێت، “ئومێدەوارین ھێزە سیاسیە کوردستانیەکان لە ڕوانگەی پاراستنی بەرژەوەندییە باڵاکانی گەلی کوردستانەوە، تەبایی نێوانیان گەشە پێبدەن و گەلەکەمان یەکریزی خۆی بپارێزێ”.

لە پەیامەكەی مەكتەبی سیاسی یەكێتی هاتووە، “جەژنی قوربانی پیرۆزە ھاوکاتە لەگەڵ ھەلومەرجێکی ھەستیار لە عێراق و ناوچەکەدا، ئومێدەوارین ھەموو ھێزە سیاسیە کوردستانیەکان لەروانگەی پاراستنی بەرژەوەندییە باڵاکانی گەلی کوردستانەوە، تەبایی نێوانیان گەشە پێ بدەن و گەلەکەمان یەکریزی خۆی بپارێزێ.”

دەقی پەیامەكە:

بەبۆنەی ھاتنەوەی جەژنی قوربانی پیرۆزەوە، گەرمترین پیرۆزبایی لە کۆمەڵانی خەڵکی کوردستان دەکەین بەھەموو چین و توێژەکانیەوە.

ھەروەھا پیرۆزبایی گەرم لە کەسوکاری سەربەرزی شەھیدان و ئەنفالکراوەکان و کیمیاباران و پێشمەرگە قارەمانەکانی کوردستان دەکەین.

جەژنی قوربانی پیرۆزە ھاوکاتە لەگەڵ ھەلومەرجێکی ھەستیار لە عێراق و ناوچەکەدا، ئومێدەوارین ھەموو ھێزە سیاسیە کوردستانیەکان لەروانگەی پاراستنی بەرژەوەندییە باڵاکانی گەلی کوردستانەوە، تەبایی نێوانیان گەشە پێ بدەن و گەلەکەمان یەکریزی خۆی بپارێزێ.

ئومێدەوارین کۆمەڵانی خەڵک ئەم جەژنە بکەنە بۆنەی گەردن ئازادی و قووڵکردنەوەی گیانی لێبوردەیی لە کوردەواریدا.

جەژنتان پیرۆز و ھەموو کات شاد و سەرفرازبن.

مەکتەبی سیاسی

یەکێتیی نیشتمانیی کوردستان

١٩/٧/٢٠٢١

بابەتی پێشتر

والی بەغدادی داعش دەستگیركرا

بابەتی دواتر

ڤایرۆسی کۆرۆنای جۆری دەلتا لە سلێمانی تۆمارکرا

بابەتی پەیوەندیدار