لە دوێنێوە نزیكەی 400 كەس بەهۆی سكچوونەوە رەوانەی نەخۆشخانەی دینارتە كراون و تائێستاش هۆكاری بڵاوبوونەوەی نەخۆشییەكە نەزانراوە.
د. محەمەد تاهیر، بەڕێوەبەری نەخۆشخانەی دینارتە رایگەیاند، تەنها ئەمڕۆ نزیكەی 200 كەس و دوێنێش زیاتر لە 180 كەس بەهۆی تووشبوونیان بە سكچوون سەردانی نەخۆشخانەكەیانیان كردووە.
وتیشی، “تائێستا هۆكاری بڵاوبوونەوەی نەخۆشییەكە نەزانراوە”.
ناحیەی دینارتە سەر بە قەزای ئاكرێ-یە لە پارێزگای دهۆك.
بەڕێوەبەری نەخۆشخانەكە ئەوەشی خستەڕوو، لیژنەیەك پێكهێنراوە بۆ بەدواداچوونی دۆخە تەندروستییەكە و زانینی هۆكار و سەرچاوەی بڵاوبوونەوەی نەخۆشییەكە.
