بەپێی پێشبینی بەڕێوەبەرایەتی کەشناسی و بومەلەرزەزانیی هەرێم، لە ڕۆژانی جەژندا بەهۆی کاریگەریى نزمە پاڵەپەستۆى گه‌رمى ساڵانە، پلەکانی گەرما بەرزتر دەبنەوە.
بەپێی پێشبینی کەشناسیی هەرێم، پلەکانی گەرما لە ڕۆژانى سێشەممە و چوارشەممە دەگاته بەرزترین پلە، ئێوارەى ڕۆژى چوارشەممە خێرایی با چالاکدەبێت و ئەگەرى بەرزبوونەوەى تۆز و خۆلێکی سووک هەیە “.
کەشناسیی هەرێم پێشبینی دەکات، لە ڕۆژانی جەژندا پلەکانی گەرما لە سەنتەرى شارى هەولێر لە نێوان 46 – 48 پلەی سیلیزی دەبێت .
هاوکات لەسەنتەرى شاره‌كانی سلێمانی، دهۆک و هەڵەبجە 44 – 46 پلە دەبێت، لەشارى کەرکوک و ناوچەکانی گەرمیانیش 47 – 51 پلەی سیلیزی دەبێت.
