ڕۆژنامەنووسێکی ئاژانسی ڕۆیتەرز لە ئەفغانستان کوژرا

ئاژانسی ڕۆیتەرز ئاشکرایکرد، ڕۆژنامەنووسێکیان لەکاتی ئەرکەکەیدا لە سنوری نێوان ئەفغانستان و پاکستان لە شەڕی نێوان تاڵیبان و هێزەکانی حکومەت کوژراوە.

بەپێی هەواڵی ئاژانسەکە، ڕۆژنامەنووسەکە ناوی “دانش سدیقی” بووە و کاتژمێر 8:00 یە بەیانی ئەمڕۆ هەینی، کاتێک  ڕوماڵی شەڕی نێوان هێزەکانی حکومەتی ئەفغانستان و تاڵیبانی کردووە لە ویلایەتی قەندەهار، بە سەختی بریندار بووە و پاش گەیاندنی بە نەخۆشخانە گیانی لە دەستداوە.

بەهیر ئەحمەدی، وتەبێژی ویلایەتی قەندەهار، لەسەر ڕووداوەکە ڕایگەیاندووە، “ڕۆژنامەنووسەکە کاتێک لە شاری (سپین بولدک) لەگەڵ هێزەکانی حکومەتدا ڕوماڵی شەڕەکەی کردووە، بە گولـلەی چەکدارانی تاڵیبان پێکراوە.

هێزەکانی حکومەتی ئەفغانستان ئەمڕۆ هەینی هێرشیانکردووەتەسەر ناوچەی بازرگانی (سپین بولدک) لە سنوری پاکستان و لەو کاتەدا ڕوبەڕوبوونەوەی قورس لە نێوان هێزەکانی حکومەت و چەکدارانی تاڵیبان ڕوویداوە.

بەپێی زانیارییەکان دانش سدیقی، ماوەی چوار ڕۆژە وەک هەواڵنێری ئاژانسی ڕۆیتەرز، لەگەڵ هێزێکی کۆماندۆی ئەفغان سەردانی (سپین بولدک)ی کردووە و ڕوماڵی ڕوبەڕوبوونەوەکانی کردووە.

بابەتی پێشتر

وەزارەتی ئاوەدانکردنەوە شیکردنەوە بۆ دانانی پڕۆژەی هێڵی ئاسن دەکات

بابەتی دواتر

لە هەولێر 5 کەس دەستگیرکران کە لە سلێمانییەوە دوو ئۆتۆمبیلیان بەفێڵ بردبوو

بابەتی پەیوەندیدار
Total
1
Share