وتەبێژی یەکێتیی نیشتمانیی کوردستان ئاشکرایکرد، مەلا بەختیار ئهندامی ئهنجومهنی باڵای سیاسیی یهكێتی ژەهرخواردکراوە و دۆخی تەندروستیی باشنییە، ئاماژەی بە بوونی چەند ئەگەرێکی دیکەی ژەهرخواردکردن هەیە.
ئەمین بابەشێخ وتەبێژی یەکێتیی نیشتمانیی کوردستان ڕایگەیاند، “مەلا بەختیار ڕهوانهی دهروهی وڵات كراوه بۆ چارهسهر و دڵنیابوونهوه له ژههر خواردنهكه”.
سەبارەت بەوەی ژەهرخواردکردنی مەلا بەختیار پەیوەندیدارە بە کێشە ناوخۆییەکانی یەکێتی ئەمین بابەشێخ وتی، “باشتره چاوهڕێی ئهنجامی پشكنینه تهندروستییهكان و لێكۆڵینهوه یاساییهكان بكهین”.
ئاماژەی بەوەکردووە، کە تهندروستی مهلا بهختیار باش نییه و دەشڵێت، “ههمووان چاوهڕێی پشكنینهكانین و چاوهڕێی یاساین پشتڕاستی بكاتهوه، ههوڵی لهناوبردنه به ژههر یان نا، لهبهرئهوهی ههندێک ئاماژهی تر ههن بۆ ژههرخواردکردنی چهند كهسێك له ئاسایشی سلێمانی”.
وتەبێژی یەکێتی ئەگەری ڕووبەڕووبوونەوەی چەکداری لەنێوان سەرکردەکانی یەکێتی ڕەتدەکاتەوە و ڕایگەیاند، “ئهوانه ههمووی دوورن لهڕاستیهوه و ئێمه له شارێك دهژین یاسا تێیدا پارێزراوه و ههمووان ڕێز له یاسا و ئاسایش دهگرین”.
