پۆلیسی هەولێر ڕایدەگەیەنێت، كەسێك لەلایەن برایەكی خۆیەوە لە كۆمەڵگای شاوێس كوژراوە و دەشڵێت، لەسەر كێشەی خێزانی بووە.
بەڕێوەبەرایەتی پۆلیسی پارێزگای هەولێر بڵاویكردەوە، كاتژمێر 03:30 خولەكی ئێوارەی ئەمڕۆ لە کۆمەڵگەی شاوێس-ی سنووری شاری ھەولێر کەسێک بە ناوی (س.ك.و.) كوژرا.
دەشڵێت، دوای گەیشتنی هێزەكانی پۆلیس بە شوێنی ڕووداو و ئەنجامدانی لێكۆڵینەوە دەركەوت قوربانییەكە لەلایەن برایەكیەوە بەناوی (ا.ک.و.) كوژراوە و ھۆکارەکەشی کێشەی خێزانی بووە، وەك ئەوەی پۆلیسی هەولێر بڵاویكردوەتەوە
دەشڵێت، پەراوی لێکۆڵینەوە بۆ ڕووداوەکە کراوەتەوە و فەرمانی دەستگیرکردنیش بۆ تۆمەتبار دەرچووە.
پۆلیسی هەولێر وردەكاری ناوی قوربانییەكەی بڵاونەكردووەتەوە، بەڵام وێنەكەی لە تۆڕە كۆمەڵایەتییەكان وەرگیراوە و بڵاوبووەتەوە.
