دواینیوەڕۆی ئەمڕۆ لە قەزای بازیان منداڵێک لە کاتی رووبەڕووبونەوەی هێزێکی ئەمنی و تۆمەتبارێکدا لە ترسدا گیانیلەدەستدا.
سەرچاوەیەکی ئاگادار بە تۆڕی میدیایی ئێستای راگەیاند، ئەمڕۆ هێزێکی ئاسایش لە قەزای بازیان چوون بۆ دەستگیرکردنی تۆمەتبارێک، بەڵام تۆمەتبارەکە رووبەڕوویان بووەتەوە و تەقەکراوە.
ئاشکراشیکرد، کچێکی شەش ساڵان، لە ترسی دەنگی تەقە لە نزیک شوێنی رووداوەکە گیانیلەدەستداوە.
بە وتەی سەرچاوەکە، لەدوای رووبەڕووبوونەوەکە توانراوە تۆمەتبارەکە دەستگیربکرێت و لە ئێستادا لێکۆڵینەوەکان بەردەوامیان هەیە.
