10 باشترین فیلمی مێژووی سینەما

لەم ڕاپرسی و دەنگدانەدا، لەسەر باشترین فیلمەکانی مێژووی سینەمای جیهان، 847 ڕەخنەگری سینەمایی و ئەکادیمیی بواری فیلمسازی بەشدارییان کردووە و دەنگیان لەسەر فیلمەکان داوە و ڕیزبەندییەکە، هەتا ئەمساڵ 2019، بەم جۆرەیە:

1. سەرەگێژە – Vertigo (١٩١ دەنگ)
ئەم فیلمە، ساڵی ١٩٥٨ بەرهەم هێنراوە و لە دەرهێنانی ئەلفرێد هیچکۆکە، دەتوانین بڵێین شاکارەکەیەتی (چ وەک سینەما و چ وەک سیمبولێکی هونەری).

2. هاوشاریی کەین – Citizen Kane (١٥٧ دەنگ)
ئەم فیلمە، ساڵی ١٩٤١ بەرهەم هێنراوە و لە دەرهێنانی ئۆرسن وێڵسە، شاکارێکی گەورەی سینەمایییە و ماوەی زیاتر لە پەنجا ساڵ باشترین فیلمی مێژووی سینەما بووە، تا ئەو کاتەی فیلمی “سەرەگێژە” شوێنی دەگرێتەوە.

3. چیرۆکی تۆکیۆ – Tokyo Story (١٠٧ دەنگ)
ئەم فیلمە، ساڵی ١٩٥٣ بەرهەم هێنراوە و لە دەرهێنانی ئۆزو یاسوجیرۆیە، ڕەخنەگران نەک تەنها بە باشترینی ئۆزوی دادەنێن بەڵکوو بە باشترینی سینەمای ژاپۆنیشی دادەنێن.

4. یاساکانی گەمە – La Règle du jeu (١٠٠ دەنگ)
ئەم فیلمە، ساڵی ١٩٣٩ بەرهەم هێنراوە و لە دەرهێنانی ژان ڕێنوایە، ئۆلیڤەر پێغێی ڕەخنەگری سینەمایی دەڵێت کە فیلمەکە فۆکەس خستنە سەر دڵڕەقی و تاریکیی جیهانە.

5. خۆرهەڵهاتن: گۆرانیی دوو مرۆڤ – Sunrise: A Song of Two Humans (٩٣ دەنگ)
ئەم فیلمە، ساڵی ١٩٢٧ بەرهەم هێنراوە و لە دەرهێنانی فریدریش ڤیلهێلم مورناوە، ئیزابێل ستیڤێنسی ڕەخنەگر دەڵێت ڕەنگە جارێکی تر فیلمێکی هاوشێوەی ئەم فیلمە نەبینینەوە.

6. ٢٠٠١: ئۆدیسەیەکی فەزایی – A Space Odyssey :2001 (٩٠ دەنگ)
ئەم فیلمە، ساڵی ١٩٦٨ بەرهەم هێنراوە و لە دەرهێنانی ستانلی کیوبریکە، ڕۆجەر ئیبێرتی گەورە ڕەخنەگری سینەمایی گوتویەتی ئەم فیلمە بازدانێک بوو لە سینەمادا و لە تێڕوانین بۆ پەیوەندیی نێوان مرۆڤ و گەردوون لە وێنەی نییە.

7. پشکنەران – The Searchers (٧٨ دەنگ)
ئەم فیلمە، ساڵی ١٩٥٦ بەرهەم هێنراوە و لە دەرهێنانی جۆن فۆردە، ڕەخنەگران بە باشترین فیلمی وێستێرنی سینەمای دادەنێن.

8. پیاوێک بە کامێرای فیلمەوە – Man with a Movie Camera (٦٨ دەنگ)
ئەم فیلمە، ساڵی ١٩٢٩ بەرهەم هێنراوە و لە دەرهێنانی دزیگا ڤێرتۆڤە، ڕەخنەگران بە یەکێک لە باشترین فیلمەکانی مێژووی سینەمای ڕووسیای دادەنێن.

9. ئازاری ژان دارک – La Passion de Jeanne d’Arc (٦٥ دەنگ)
ئەم فیلمە، ساڵی ١٩٢٧ بەرهەم هێنراوە و لە دەرهێنانی کارڵ درایەرە، ڕەخنەگران بە ترۆپکی سینەمای بێدەنگی دادەنێن.

10. هەشت و نیو – ½8 (٦٤ دەنگ)
ئەم فیلمە، ساڵی ١٩٦٣ بەرهەم هێنراوە و لە دەرهێنانی فێدێریکۆ فێلینییە.

بابەتی پێشتر

ئیلیادەی هۆمەر چیمان پێ دەڵێت لەسەر پەرستن و جەنگ؟

بابەتی دواتر

یاداشتەکانی کیسنجەر؛ نھێنییەکانی مێژووی دەستبەرداربوونی ئەمریکا لە کورد

بابەتی پەیوەندیدار
زیاتر ببینە

تونس.. تەرمی 20 کۆچبەر دۆزرانەوە

حکومەتی تونس ئاشكرایكرد، ڕۆژی پێنجشەممەی ڕابردوو تەرمی 20 کۆچبەری ئەفریقییان لە كەناراوەكاندا دۆزیوەتەوە كە بەهۆی ژێرئاوكەوتنی بەلەمەكەیانەوە خنكاون.…