یۆنان بڕیارێكی خێرا بۆ ڕێگری لە پەڕینەوەی پەنابەران دەردەكات

پەرژینە سنوورییەكانی زیاددەكات

لەگەڵ زیادبوونی ناكۆكییەكانی لەگەڵ ئەنقەرە لە زیاتر لە دۆسیەیەكدا، یۆنان كار بۆ فراوانكردنی پەرژینە سنوورییەكانی دەكات بە درێژایی ڕوباری ئیڤرۆس كە بە توركی بە (میریك) ناسراوە و دەكەوێتە سنووری وڵاتەكەی لەگەڵ توركیا.

بەپێی بڕیارەكەی حكومەتی یۆنان بڕیارە درێژی پەرژینەكە بگاتە 27 كیلۆمەتر و تێچووی پڕۆژەكەش 62.9 ملیۆن یۆرۆ دەبێت، كە جگە لە پەرژینەكە ژمارەیەك خاڵی چاودێریی سوپای یۆنان-یش لەخۆدەگرێت.

كیریاكۆس میتسۆتاكیس، سەرۆكوەزیرانی یۆنان لە تەلەفزیۆنی فەرمی وڵاتەكەیەوە پاش بەسەركردنەوەی پڕۆژەكە ڕایگەیاند، بڕیارەكەیان گرنگە تا “هاوڵاتییانی یۆنان هەست بە سەقامگیری بكەن”.

پێشتر چەندین جار ئەنقەرە هەڕەشەی كردنەوەی دەوازە سنوورییەكانی بەڕووی هەزاران پەنابەردا كرد تا لە وڵاتەكەیەوە بەرەو ئەوروپا و لەڕێی یۆنانەوە بپەڕنەوە.

لە باكوری ڕوبارە سنوورییەكەوە و لە دەروازەی كاستانیس-كابیكۆل لەئێستادا پەرژینێكی 11 كیلۆمەتری هەیە، لەئێستاشدا ئەسینا كار لەسەر دروستكردنی سێ پەرژینی نوێ دەكات بە سێ بەش بەدرێژایی ڕێڕەوی باشوری ڕوبارەكە.

 

بابەتی پێشتر

بەغداد.. دایكێك دوو منداڵەكەی لە پردێكی ڕووباری دیجلەوە فڕێدەداتە خوارەوە

بابەتی دواتر

نیوزلاند.. ئەو ژنەی كۆرۆنا كردییەوە بە سەرۆكوەزیران

بابەتی پەیوەندیدار
زیاتر ببینە

فەڕەنسا: سێ سەربازمان لە مالی كوژراون

كۆشكی سەرۆكایەتیی فەڕەنسا ئاشكرایكرد، سێ سەربازی وڵاتەكەیان لە مالی بەهۆی تەقینەوەی بۆمبەوە كوژراون. كۆشكی ئیلیزی، سەرۆكایەتیی فەڕەنسا ئاشكرایكردووە،…
Total
0
Share