دوای 18 کاتژمێر بەرگریی شارستانیی دهۆک ئاگرەکەی چیای زاوای كۆنترۆڵكرد.
لە دوێنێوە ئاگرێك لە چیای زاوای دهۆك كەوتبووەوە، بێوار عەبدولعەزیز بەرپرسی ڕاگەیاندنی بەرگریی شارستانیی دهۆک بە تۆڕی میدیایی ئێستای ڕاگەیاند، کاتژمێر 12:00ی نیوەڕۆی دوێنێ چوارشەممە، ئاگرەكە كەوتەوە، بە بەشداری پێنج تیمی ئاگركوژێنەوەی دهۆک، کاتژمێر 6:00ی بەیانی ئەمڕۆ ئاگرەکە كۆنترۆڵكرا.
ئاشگكراشیكرد، لە ڕووداوەکەدا هیچ زیانێكی گیانی نەكەوتەوە، بەڵام زیاتر لە 500 دۆنم زەویی چیاکە سوتاوە.
لەبارەی هۆکاری ڕووداوەکە، بەرپرسی ڕاگەیاندنی بەرگریی شارستانیی دهۆک وتی، “تائێستا دیارنییە”، لیژنەیەكیان پێکهێناوە بۆ زانینی هوکاری ڕاست و دروستی ئاگرەكە.
