ماوەی چەند ڕۆژێکە ئاگر لە دارستانەکانی دەرەوەران و دۆڵەبی و چەندین ناوچەی دیکەی سەر بە شاری مەریوان کەوتووە و هاوڵاتییان و چالاکوانانی ژینگە بێ پشوودان سەرقاڵی کوژانەوەی ئاگرەکەن.
بەپێی وتەی چالاکوانانی ژینگە تا ئێستا زیاتر لە 420 هێکتار زەوی لە دارستانەکانی مەریوان سوتاون و سەرەڕای کۆنترۆڵکردنی ئاگرەکە، کەچی جارێکی دیکە ئاگر لە دارستانەکان سەریهەڵدایەوە.
ئەنجومەنی سەوزی چیا، کە ڕێکخراوێکی ناحوکمی ژینگەییە لە مەریوان لەبارەی ئاگرەکانەوە دەڵێت، “ئەندامانی ئەنجومەنەکە و خەڵکی خۆبەخش و ژینگە دۆستی شاری مەریوان و گوندەکانی دەوروبەری بەردەوامن لە کوژاندنەوە و ڕێگری لە تەشەنە سەندنی ئاگرەکە، بەڵام بە داخەوە کە ئاگرەکە کۆنترۆڵنەکراوە”.
لە ڕاگەیەندراوەکەی ئەنجومەنی سەوزی چیادا هاتووە، ” لەماوەی چوار ڕۆژی ڕابردوودا چەندینجار ئاگرەکان لەلایەن خەڵک و ئەندامانی ئەنجومەنەکەوە کۆنترۆڵکراوە، بەڵام بەهۆی ڕێگریکردنیان لەلایەن هێزە ئەمنییەکانەوە نەتوانراوە بەباشی ئاگرەکە کۆنترۆڵبکرێت”.
لەماوەی چوار ڕۆژی ڕابردوودا سەدان هێکتار لە دارستانەکانی شاری مەریوان و گوندەکانی دەوروبەری سوتاون و تەشەنەسەندنی ئاگرەکە تەواو ژینگە دۆستان و ئەندامانی ئەنجومەنی سەوزی چیای هیلاک کردووە.
حضور گسترده مردم و فعالین محیط‌زیست برای کنترل آتشسوزی جنگل‌های روستای “دوله‌بی”
طی سه روز گذشته با توجه به گستردگی آتش در جنگل‌های روستای دوله‌بی از مناطق صفر مرزی مریوان، مردم روستاهای اطراف به همراه اعضای خستگی ناپذیر انجمن سبز چیا با حضور مداوم در محل مانع گسترش… pic.twitter.com/Bdw4PkvEyP
— Chya NGO (@chya_ngo) July 3, 2021
