چەکدارانی داعش لە سنووری گوندی عەبود لە قەزای خورماتوو هێرشیانکردە سەر هێزە عێراقییەكان.
سەرچاوەیەكی ئەمنی لە خورماتووەوە بە تۆڕی میدیایی ئێستای ڕاگەیاند، “ئەمشەو هێرشەکە کراوەتە سەر هێزەکانی فەوجی سێی سوپای عێراق لە گوندی عەبود لە سنووری قەزای خورماتوو، كە دانیشتوانەكەی عەرەبن”.
باسی لەوەشکرد، “داعش لەڕێگەی هاوەن و چەکی نیشانشکێن (قەناس) هێرشەكەی ئەنجامداوە، چەند ئەندامێكی هێزە ئەمنییەكان بریندارن و شەڕەكەش كۆتایی هاتووە”.
ماوەیەكە جموجۆڵی چەكدارانی داعش لە پارێزگاكانی سەڵاحەدین، كەركوك و دیالە زیادیكردووە و هێزە ئەمنییەكانیش لە ڕێگەی ئەنجامدانی ئۆپراسیۆنەوە دەیانەوێت مەترسییەكانی داعش كەمبكەنەوە.
