هۆشیار زێباری: حەشدی شەعبی هێزێكی تێكۆشەرە

هۆشیار زێباری ڕایدەگەیەنێت، حەشدی شەعبی هێزێكی موجاهید و تێكۆشەرە و دوپاتیشیدەكاتەوە كە هێرشی نەكردوەتەسەر ئەو هێزانە.

 

سایتی ئەلعەهد ئەمڕۆ شەممە 17ی تشرینی یەكەم لەسەر زاری هۆشیار زێباری، ئەندامی مەکتەبی سیاسی پارتی دیموكراتی كوردستان ڕایگەیاند، “هێرشم نەكردوەتەسەر حەشدی شەعبی و قسەیەكیان داوەتە پاڵم كە نەمووتووە، ئەوپەڕی ڕێزمان هەیە بۆ حەشد”.

وتیشی، “لێدوانەكەم تێگەیشتنی هەڵەی بۆ كراوە و وتم پێویستە هەنگاو هەبێت بۆ هێوركردنەوە و زامنكردنی ڕێگای فرۆكەخانەی بەغدادی نێودەوڵەتی”.

زێباری ئەوەشی خستووەتەڕوو، “مەبەستم لە پاككردنەوەی ناوچەی سەوز، ئەوە نییە كە حەشد پێویستی بە پاككردنەوە بێت، بەهۆی ئەوەی حەشد هێزێكی موجاهید و شەڕكەرە و ناكرێت دەستدرێژی بكەمەسەر قوربانییەكانی حەشد”.

لێدوانەكەی زێباری دوای ئەوە دێت ئەمڕۆ کۆمەڵێک لە لایەنگرانی حەشدی شەعبی چونە سەر بارەگای لقی پێنجی پارتی لە بەغداد و سوتاندیان.

چەند ڕۆژێک پێش ئێستا، هۆشیار زێباری لە چاوپێکەوتنێکدا لەگەڵ کەناڵی حوڕەی عێراقی ڕایگەیاند، “هەرێمی کوردستان لایەنگری ئەمریکایە و ئێستا حەشدی شەعبی وەک چۆن داعش پێشتر هەرێمی کوردبووە ئامانج ئێستا ئەوان دژی هەرێمی کوردستان وەستاون”.

سوتانی بارەگاکەی پارتی کاردانەوەی هەفتەیەک گرژییە لە نێوان پارتی دیموکراتی کوردستان و حەشدی شەعبیدا، بەتایبەت دوای ئەوەی حەشد داوایکردبوو زێباری داوای لێبوردن بکات، بەڵام هەم زێباری و هەم پارتەکەی بێدەنگ بوون.

بابەتی پێشتر

بە موشەکێک ئەمریکاى هێناوەتە لەرزە

بابەتی دواتر

بەشیر حەداد داوای لێكۆڵینەوە لە ڕوداوەكەی بەغداد دەكات

بابەتی پەیوەندیدار
زیاتر ببینە

ئاستی ئاوی دیجلە و فورات زیاددەكات

وەزارەتی سەرچاوە ئاوییەكانی عێراق رایدەگەیەنێت، ئاستی ئاوی هەردوو رووباری دیجلە و فورات زیادیكردووە و پێشبینیدەكرێت هاوینی داهاتوو ئاستی…
Total
0
Share