كۆڵبه‌رێكی خه‌ڵكی سه‌رده‌شت له كاتی كۆڵبه‌ریدا به ته‌قه‌ی ڕاسته‌وخۆی هێزه ئه‌منیه‌كانی ئێران كوژرا.
ڕێكخراوی هه‌نگاو بۆ مافه‌كانی مرۆڤ بڵاویكرده‌وه، ئێوارەی ئەمڕۆ شەممە هێزه ئه‌منیه‌كانی ئێران له سنووری دۆڵه‌بی شاری سه‌رده‌شت ته‌قه‌یان له كاروانێكی كۆڵبه‌ران كردووه و له ئاكامدا كۆڵبه‌ریك كوژراوه.
ئاماژەی بەوەشكردووە، “كۆڵبه‌ره‌كە ناوی واحید ئه‌حمه‌د پوره و خه‌ڵكی گوندی بیرانه، خێزانداره و باوكی سێ منداڵه”.
به پشتبه‌ستن به ئاماری تۆماركراو له ناوه‌ندی ئامار و به‌ڵگه‌نامه‌كانی ڕێكخراوی هه‌نگاو بۆ مافه‌كانی مرۆڤ، له ماوه‌ی وه‌رزی به‌هاری ئه‌مساڵدا نزیكه‌ی 60 كۆڵبه‌ر له سنووره‌كانی كوردستان كراونه‌ته ئامانج، 12 كۆڵبه‌ریشیان مردوون.
