بەڕێوەبەرایەتیی بەرگریی شارستانیی سۆران رایدەگەیەنێت، لە سنووری ناحیەی دیانا ئاگرێك كەوتەوە و تیمەكانیان ئاگرەكەیان كۆنترۆڵكردووە.
بەڕێوەبەرایەتیی بەرگریی شارستانیی سۆران لە راگەیەندراوێكدا بڵاویكردووەتەوە، بە هۆكارێكی نادیار ئاگری پووش و پەڵاشی زەوییەك لە دەشتی دێلزیان لە ناحیەی دیانا كەوتەوە و تیمی ئاگركوژێنەوەی بنكەی بەرگریی شارستانیی دیانا گەیشتنە شوێنی رووداوەكە و ئاگرەكەیان كۆنترۆڵكرد.
هەر لە راگەیەندراوەكەدا هاتووە، “بە پێی راپۆرتی تیمەكە، رووداوەكە جگەلە لە زیانی ماددی هیچ زیانێكی گیانی نەبووە”.
