یانەکانی ئارسیناڵ و ڕیاڵ مەدرید هەوڵەکانیان بۆ گواستنەوەی ئەلیکساندەر ئیزاک-ی سویدی دەستپێکردووە.
ماڵپەڕی “تریباڵ فوتباڵ” ئاشکرایکردووە، لە ئێستادا چاودێرانی ئارسیناڵ سەرنجیان خستووەتە سەر تواناکانی ئەلیکساندەر ئیزاک-ی هێرشبەری هەڵبژاردەی سوید، کە بۆ یانەی ڕیاڵ سۆسیدادی ئیسپانی یاریدەکات.
ئیزاک تەمەنی 21 ساڵە و لە یورۆی 2020 هیچ گۆڵێکی تۆمارنەکردووە، بەڵام ئاستێکی بەرز پێشکەشدەکات و چاوەڕوانی داهاتوویەکی پرشنگداری لێدەکرێت.
بەڕێوەبەرانی “گانەرز” پەیوەندییان بە کۆمپانیای “Universal Sport Group”ــەوە کردووە، کە بەرپرسە لە یاریزانەکە و خواستیان لەسەر گواستنەوەی بۆ یاریگای ئیماراتس نیشانداوە و دووپاتیانکردووەتەوە، ئەوپەڕی هەوڵی خۆیان دەدەن بۆ واژووکردنی بۆندەکەی.
بەپێی سەرچاوەکە، یانەی ڕیاڵ مەدرید بەهەمان شێوە لەناو هاوکێشەکەدایە و 13جار پاڵەوانی چامپیۆنزلیگ چانسی لە ئارسیناڵ زیاترە، چونکە یاریزانەکە شارەزای خولی ئیسپانیایە، بەڵام ئەم بۆندە بۆ ڕیاڵ ئاڕاستەیەکی جیاوازی گرتووە و بەندە بە کڕینی یەکێک لە مباپێ یان هالاند، ئەگەر یەكێك لەو دوو بۆندە واژووبکرێت، لە داواکارییەکانیان بۆ ڕەشئەسمەرە سویدییەکە دەکشێنەوە.
