عێراق گەڕاندنەوەی زۆرەملێی پەنابەران ڕەتدەکاتەوە

وەزیری کۆچ و کۆچبەرانی عێراق ڕایدەگەیەنێت، گەڕاندنەوەی زۆرەملێی پەنابەرانی عێراقی ڕەتدەکەنەوە و داوای ئاسانكاریكردن و مامەڵەیەكی دروستانەش لە ئەمریكا دەكات بەرامبەر پەنابەرە عێراقییەكان.

بەپێی ڕاگەیەندراوێكی وەزارەتی کۆچ و کۆچبەرانی عیراق، لە میانی سەردانەكەی بۆ ئەمریكا و کۆبوونەوەی لەگەڵ بەرپرسانی ئەو وڵاتە، ئیڤان فایەق جابرو، وەزیری كۆچ و كۆچبەران باسیلەوەکردووە، حکومەتی عێراق گەڕاندنەوەی زۆرەملێی پەنابەرانی وڵاتەكەی لە ئەمریکا ڕەتدەکاتەوە، بەتایبەتی ئەوانەی داوای پێدانی ڕەگەزنامەی ئەمریکیان ڕەتکراوەتەوە لەم دۆخەدا.

هەر بەپێی ڕاگەیەندراوەکە، وەزیری كۆچ و كۆچبەران داوای لە بەرپرسانی ئەمریکا کردووە بە ڕێزەوە مامەڵە لەگەڵ پەنابەرانی عێراقییدا بکەن و بەشێوەیەکی باشتر دۆسیەکانیان لەبارەی وەرگرتنی مافی پەنابەریی و وەرگرتنی ڕەگەزنامەی ئەمریکیی لێ وەربگرن، بەتایبەت ئەو كەسانەی لە وڵاتانی دەرەوەی عێراقن و چاوەڕوانی وەڵام دەكەن.

ئەوەشهاتووە، “بەرپرسانی ئەمریکا بە وەزیری کۆچ و کۆچبەرانیان وتووە، لەمەودوا پەنابەرانی عێراق لەلایەن ئیدارەی ئەمریکاوە مامەڵەیەکی تایبەتر و خێراتریان لەگەڵدا دەکرێت بەتایبەت ئەوانەی كە لە كەمپەكانی دەرەوەی عێراقن و چاوەڕوانی وەڵامن”.

‏‎

بابەتی پێشتر

لە هەولێر كاریكردووە.. ئەمریكییەك بەهۆی دزەپێكردنی زانیاری بۆ حزبوڵا زیندانی دەكرێت

بابەتی دواتر

لە مانگی ڕابردوودا 63 پێشێلكاریی مافەكانی مرۆڤ لە ڕۆژهەڵاتی كوردستان تۆماركراوە

بابەتی پەیوەندیدار
Total
1
Share