وەزارەتی تەندروستیی هەرێمی كوردستان ڕایگەیاند، لەماوەی 24 كاتژمێری ڕابردوو 533 توشبووی دیكەی كۆرۆنا تۆماركراوە و 11 كەسی دیكەش بەهۆی ڤایرۆسەكەوە گیانیان لە دەستداوە.
بەپێی ڕاگەیەندراوێكی وەزارەتی تەندروستیی هەرێم، لەماوەی 24 كاتژمێری ڕابردوو پكشنینی كۆرۆنا بۆ شەش هەزار و 741 كەس كراوە، لەو ڕێژەیەش 533 توشبووی دیكەی ڤایرۆسەكە تۆماركراوە، لەبەرامبەریشدا 507 توشبوو چاكبوونەتەوە و 11 كەسی دیكەش بەهۆی ڤایرۆسەكەوە گیانیان لەدەستداوە.
بەگوێرەی داتاكانی وەزارەتی تەندروستی، كۆی توشبووانی كۆرۆناش لە هەرێم گەیشتە، 181 هەزار و 668 كەس، لەو ڕێژەیەش 170 هەزار و 97 یان چاكبوونەتەوە و چوار هەزار و 433 كەسیشیان بەهۆی ڤایرۆسەكەوە گیانیان لەدەستداوە.
