لە هەولێر هەڵمەتی چاندنی 60 هەزار نەمام دەستپێدەكات

هەڵمەتی چاندنی نەمام لە هەولێر فۆتۆ: Social Media

هەڵمەتی پایزەی دارچاندن لە هەولێر دەستیپێكرد و پارێزگاری شارەكەش دەڵێت، زیاتر لە 60 هەزار دار دەچێنن و لە بەهاری داهاتووش هەڵمەتێكی دیكە ئەنجامدەدەن.

هەڵمەتی پایزەی دارچاندن لە هەولێر ئەمڕۆ پێنجشەممە 15ی تشرینی یەكەم بە بەشداری هەریەك لە هەریەك لە ساسان عەونی، وەزیری شارەوانی و گەشتوگوزار و ئەندازیار عەبدولڕەحمان سدیق، سەرۆکی سەرۆکی دەستەی پاراستن و چاککردنی ژینگەی هەرێم و فرسەت سۆفی، پارێزگاری هەولێر دەستیپێكرد.

لە وتەیەكیشدا فرسەت سۆفی ڕایگەیاند، “دەستمانکرد بەهەڵمەتی پایزەی دارچاندن و بۆ بەهاریش هەڵمەتێکی دیکە ئەنجام دەدەین، بۆ هەڵمەتی ئەمڕۆ لەسەرووی شەست هەزار دار بەهەماهەنگی بەڕێوەبەرایەتی پارک و باخچەکان و سەرۆکایەتی شارەوانی هەولێر دەچێنین”.

وتیشی، “لەلایەن بەڕێوەبەرایەتی پارک و باخچەکانیش ئامادەکاری پێویستکراوە بۆ ئەوەی هەر هاوڵاتییەک بەهەر بۆنەیەکی خۆشی خۆیانەوە بێت، یان بەبۆنەی لەدایکبوونی منداڵەکانیان بێت وەکو یادەوەرییەک لەو شوێنانەی دیاریکراوە دارێک بچێنن و ساڵانە لەژێر سێبەری ئەو دارەدا یادی بۆنەکانیان بکەنەوە، بەمشێوەیە هەموومان هاوکاردەبین لە بەرزکردنەوەی ڕێژەی سەوزایی و دارچاندن لە شارەکەمان”.

بۆ هەڵمەتەكە هەریەك لە (پشت پارکی منارە و گەڕەکی هەولێری نوێ و گەڕەکی ڕۆشنبیری) دیاریكراوە.

پارێزگاری هەولێر ئەوەشی وت، هەوڵەکانیان بۆ ئەوەیە بەرزکردنەوەی ڕێژەی سەوزایی و چاندنی دار بكەن بە کەلتور و بەشێک لە ژیان، تاوەکو بگەنە هەوایەکی پاک و شارێکی جوان ببینن.

 


 

 

 

بابەتی پێشتر

ئاگادارییەك لە وەزارەتی خوێندنی باڵاوە بۆ دەرچووانی 12ی ئامادەیی

بابەتی دواتر

كارمەندێكی پەرلەمانی كوردستان هاوسەرەكەی خۆی كوشتووە و پۆلیسی لێ ئاگادار كردووەتەوە

بابەتی پەیوەندیدار
زیاتر ببینە

خۆڵبارینێكی سووك بەردەوام دەبێت

كەشناسیی هەرێم پێشبینی دەكات، ئەمڕۆ ئاسمان نیمچەهەور بێت، لەگەڵ بەرزبوونەوەی ‏تۆز و خۆڵ، تا کاتەکانی سبەینێ کاریگەرییەكەی دەمینێت…
Total
0
Share