دوای ئەوەی پێنج ڕۆژ پێش ئێستا ئەمریکا لە عێراق ڕایگەیاند، بڕی سێ ملیۆن دۆلار دەدەنە هەر کەسێک زانیاری لەبارەی هێرشی گروپە چەکدارییەکانەوە ئاشکرابکات، لە بەرامبەردا گروپە شیعەکانیش بڕی 500 ملیۆن دیناریان بۆ ئاشکراکردنی “سیخوڕەکانی ئەمریکا و مۆساد داناوە”.
گروپی چەکداری شیعە (فصائل المقاومة العراقیة) ئاشكرایکرد، “بڕی 250 تا 500 ملیۆن دیناری عێراقییان داناوە بۆهەر کەسێک زانیاری لەبارەی “سیخوڕەکانی ئەمریکا و دەزگای هەواڵگیری ئیسرائیل مۆسادەوە ئاشکرا بکات”.
لە ڕاگەیەندراوی گروپە چەکدارییەکەدا هاتووە، “بۆ هەموو عێراقییەکان و بەرپرس و چەکدار و ئەندامی هێزەئەمنییەکان، هەرکەس زانیاری لەبارەی سیخوڕەکانی ئەمریکا و ئیسرائیلەوە ئاشکرابکات، پاداشتی دارایی دەکرێت”.
ئەمریکا خۆی زیادتر لەجاران بۆ هێرشی درۆنە بۆمبڕێژکراوەکان و هێرشە موشەکییەکان ئامادە دەکات، لەبەرامبەردا گروپە شیعەکان دەیانەوێت بە ئامادەکردنی ئەو بڕە پارەیە کاریگەری هەنگاوەکەی ئەمریکا بێ کاریگەر بکەن.
يا أهل #العراق الاوفياء، يهاجم إرهابيون جبناء البعثات الدبلوماسية الأمريكية في العراق ثم يهرعون للاختباء بين السكان المدنيين. تقدم أمريكا مكافأة تصل إلى 3 ملايين دولار لمعلومات عن هجمات مخطط لها أو سابقة ضد المنشآت الدبلوماسية الأمريكية. راسلونا نصيا عبر واتساب أو تلغرام أو سغنال pic.twitter.com/kAf66O4VYG
— Rewards for Justice عربي (@Rewards4Justice) June 10, 2021
