وەزارەتی تەندروستیی هەرێمیی كوردستان ڕایگەیاند، لەماوەی 24 كاتژمێری ڕابردوو 497 توشبووی دیكەی كۆرۆنا تۆماركراوە، دوو كەسیش بەهۆی ڤایرۆسەكەوە گیانیان لەدەستدا.
لە ڕاگەیەندراوێكدا وەزارەتی تەندروستی هەرێم، ئاماری 24 كاتژمێری ڕابردووی كۆرۆنای بڵاوكردەوە، بەگوێرەی ئامارەكەش لەو ماوەیەدا لەكۆی هەشت هەزار و 443 پشكنین 497 توشبووی دیكە تۆماركراوە، لە بەرامبەریشدا، 554 توشبوو چاكبونەتەوە و دووكەسیش بەهۆی ڤایرۆسەكەوە گیانیان لەدەستداوە.
كۆی گشتی توشبووانی كۆرۆناش لەهەرێم گەیشتە، 176 هەزار و 659 كەس، لەو ڕێژەیەش 165 هەزار و 72 توشبوو چاكبوونەتەوە و چوار هەزار و 362 كەسیش بەهۆی ڤایرۆسەكەوە گیانیان لەدەستداوە.
