منداڵێك لە بەغداد بە 24 پەنجەی دەست و پێوە لەدایكبوو.
لەدایكبوونەكە لە نەخۆشخانەی فاتیمە زەهرای فێركاری بۆ ژنان و منداڵبوون بووە و هەر دەست و پێیەكی منداڵەكە شەش پەنجەیان هەیە و بەوەش كۆی ژمارەی پەنجەكانی منداڵەكە 24 پەنجەن.
سەلام بەدر سوڵتان بەڕێوەبەری نەخۆشخانەكەیە و دەڵێت، منداڵێكی كچ بە 24 پەنجەوە لەدایكبووە و ئەوەش یەكێكە لە حاڵەتەكە دەگمەنەكانی لەدایكبوون.
دكتۆر نەغەم داود كە سەرپەرشتیی لەدایكبوونی منداڵەكەی كردووە، لەبارەی تەندروستیی كۆرپەكەوە ڕایگەیاند، تەندروستیی منداڵەكە زۆر باشە و هیچ گرفتێكی تەندروستیی نییە، بە شێوەی سروشتی و بەبێ نەشتەرگەری لەدایكبووە و هۆكاری ئەوەی كە هەر پەلێكی شەش پەنجەی هەیە، دەگەڕێتەوە بۆ جیاوازیی جێنەتیكی لەنێوان دایك و باوكیدا.
