ڕێکخراوی هەنگاو بۆ مافەكانی مرۆڤ ڕایگەیاند، لە ماوەی شەش مانگدا 33 کۆڵبەر لە سنوورەکانی بانە بەتەقەی هێزە ئەمنییەكان برینداركراون و شەش کەسیان گیانیان لە دەستداوە.
لە ڕاگەیەندراوێكدا، ڕێکخراوی هەنگاو بۆ مافەكانی مرۆڤ بڵاویكردەوە، کۆڵبەرێکی خەڵکی بۆکان بە ناوی “مەسعوود خزرنژاد” لە کاتی کۆڵبەریی لە سنووری هەنگەژاڵی بانە تەقەی لێکراوە و بە سەختی بریندارکراوە و بە مەبەستی چارەسەری پزیشکی ڕەوانەی نەخۆشخانەی سەلاحەدینی ئەیووبی ئەو شارەکراوە .
ڕێكخراوەكە ڕونیشیكردووەتەوە، بەپشتبەستن بە ئاماری تۆمارکراو لە ناوەندی ئامار و بەڵگەنامەکانیان لە سەرەتای ساڵی 2021 ەوە تا ئێستا لانیکەم 33 کۆڵبەر لە سنوورەکانی بانە بەتەقەی هێزە ئەمنییەكان بوونەتە قوربانی و شەش کەسیان گیانیان لە دەستداوە.
