پۆلیسی ڕاپەڕین لەبارەی سووتاندنی ئۆتۆمبیلێک لەلایەن خاوەنەکەیەوە ڕوونکردنەوە دەدات

بەڕێوەبەرایەتیی پۆلیسی ڕاپەڕین لەبارەی سووتاندنی ئۆتۆمبیلێکەوە لەلایەن خاوەنەکەیەوە ڕایدەگەیەنێت، خاوەنی ئۆتۆمبیلەکە چاوەڕوانی یەکلاییبوونەوەی ڕێکارە یاساییەکانی بەڵگەنامەکانی ئۆتۆمبیلەکەی نەکردووە و لە هەڵچوونێکدا ئۆتۆمبیلەکەی سووتاندووە.

پۆلیسی ڕاپەڕین لەبارەی ڕووداوەکەوە دەڵێت، “پێشنیوەڕۆی ئەمڕۆ هاوڵاتییەک بەناوی (س،ج،ف) لەدایکبووی ساڵی 1972، کە پیشەی کاسبە و دانیشتووی ڕانیەیە، لەناو بازاڕی شاری ڕانیە بەدەستی خۆی ئۆتۆمبیلەکەی سووتاند، مەلەفی لێکۆڵینەوەی بۆکرایەوە و بە ووتەی خۆی، دەڵێت دوو کەس لە شاری سلێمانی پێیان وتووە ئۆتۆمبیلەکەی کێشەی دزیی هەیە، ئەویش سەردانی هەندێک شوێنی فەرمی کردووە، بەڵام ناوبراو چاوەڕوانی ئەنجامی ڕێکارە یاساییەکانی نەکردووە بۆ ڕاستی و دروستی لە کێشەی ئۆتۆمبیلەکەی و ئاخۆ تایبەتمەندە بە کام فەرمانگەی حکومی، تاوەکو کێشەکەی بۆ یەکلاییبکرێتەوە”.

پۆلیس ڕاشیگەیاندووە، “ئەو کەسە لەئەنجامی هەڵچوون و توڕەییدا ئۆتۆمبیلەکەی لەناو بازاڕی شاری ڕانیە سووتاند، لێکۆڵینەوە لە ڕووداوەکە بەردەوامە”.

بابەتی پێشتر

ناسا خۆرگیرانەكەی ئەمڕۆ تۆماردەكات

بابەتی دواتر

لە ئەسفهان بە زمانی کوردی پێشوازی لە وەزیری کشتوکاڵی هەرێم کرا

بابەتی پەیوەندیدار
Total
0
Share