لە چەمچەماڵ مامۆستایەك لەكاتی مەلەكردندا خنكا

ئێوارەی ئەمڕۆ تەرمی مامۆستایەکی تەمەن 28 ساڵ بە خنکاوی گەیەندرایە نەخۆشخانەی چەمچەماڵ.

شەریف ڕەحیم، وتەبێژی بەڕێوەبەرایەتیی تەندروستیی چەمچەماڵ بە تۆڕی میدیایی ئێستای ڕاگەیاند، “سەرلەئێوارەی ئەمڕۆ دووشەممە كاتژمێر 5:00 تەرمی مامۆستایەک بە خنکاوی گەیەندراوەتە نەخۆشخانە، کە لە ئاوی بەنداوی گوندەكەی خۆیان بەناوی “ئەحمەد لەوەند” ی سەربەناحیەی سەنگاو خنکاوە و مامۆستاکە لە ڕەگەزی نێر بووە و تەمەنی 28 ساڵە”.

وتیشی،”تەرمەکە گەیەندراوەتە بەشی فریاکەوتنی نەخۆشخانەی چەمچەماڵ و دواتر ڕەوانەی پزیشکی دادی سلێمانی کراوە”.

وتەبێژی تەندروستی چەمچەماڵ ڕونیشیكردەوە، “خێزانەکەی هیچ سکاڵایەکیان تۆمارنەکردووە و خنکانەکەش هیچ هۆکارێکی لە پشتەوە نییە”.

بابەتی پێشتر

ئاگر لە كۆگایەكی دەرمان لە قەزای سێمێل كەوتەوە

بابەتی دواتر

بەشیر حەداد: حكومەتی عێراق هۆكاری جێبەجێنەكردنی یاسای بودجە و نەناردنی پشكی هەرێمە

بابەتی پەیوەندیدار
Total
0
Share